Pwer Atwrnai Parhaol

Mae Atwrneiaeth Barhaol yn ddogfen gyfreithiol sy’n caniatáu i rywun yr ydych chi’n ymddiried ynddynt wneud penderfyniadau ar eich rhan os na allwch chi wneud hynny mwyach.

Mae’r dogfennau cyfreithiol hyn yn cael eu cydnabod gan sefydliadau ariannol, cartrefi gofal ac awdurdodau lleol yn ogystal ag awdurdodau treth, budd-daliadau a phensiynau.

Oes angen Atwrneiaeth Barhaol arnoch chi?

Camsyniad cyffredin yw fod atwrnaiaeth barhaol ar gyfer pobl oedranus yn unig. Mae’n wir fod mwy o bobol hyn yn gwneud Atwrneiaethau Barhaol ond mae gwneud un yr un mor bwysig i bobl ifanc ac ydyw i bobl oedranus. Y gwir yw y gallech chi golli gallu meddyliol neu gorfforol ar unrhyw adeg. Mae cael pwer yn ei le yn gweithredu fel amddiffyniad, gan roi tawelwch meddwl i chi, pe bai trasiedi yn digwydd, byddai gan rywun yr ydych yn ymddiried ynddynt awdurdod i wneud penderfyniadau angenrheidiol ar eich rhan. Heb Atwrneiaeth Barhaol efallai na fydd eich priod neu’ch partner yn gallu rheoli eich materion ariannol a’ch anghenion lles. Yna byddai’n rhaid i’ch teulu wneud cais i’r Llys Gwarchod i sicrhau eich budd-daliadau, trefnu gofal priodol a chael mynediad at daliadau yswiriant neu fuddion pensiwn.Gall y broses Lys hon fod yn hir, yn gostus ac yn straen; felly mae’n ddoeth (ac yn rhatach o lawer) cofrestru pwer atwrnai cyn gynted â phosibl.

Nid yw creu pwer atwrnai yn golygu y byddwch chi yn colli rheolaeth o’ch materion, yn syml mae’n cynnig tawelwch meddwl i chi – CHI sy’n dal i ddewis pryd y caiff y pwer ei ddefnyddio, a yw’n dod i rym cyn, neu dim ond os ydych chi’n dioddef dirywiad meddyliol difrifol.

Gellir gwneud dau fath gwahanol o Bwer Atwrnai Parhaol. Mae un yn delio gyda’ch eiddo a’ch materion ariannol ac mae’r llall yn delio gyda’ch materion iechyd a lles personol. Gallwch wneud un math o Bwer Atwrnai Parhaol heb wneud y llall. Bydd Swyddfa’r Gwarcheidwad Cyhoeddus yn cadw cofnod o’r holl Bwerau Atwrnai Parhaol cofrestredig. Yma yn MLS rydym yn ymfalchïo mewn darparu’r gwasanaeth cyfreithiol gorau i’r cleient trwy eu cynorthwyo a’u cynghori ac ateb unrhyw gwestiynau sydd gan y cleient.

Pryd i wneud Atwrneiaeth Barhaol?

Rhaid i chi gael y gallu meddyliol i ddeall goblygiadau’r Atwrneiaeth Barhaol pan y mae’n cael ei wneud. Mae’n cymryd hyd at 16 wythnos i gofrestru Pwer Atwrnai Parhaol yn Swyddfa’r Gwarcheidwad Cyhoeddus. Os nad oes gennych ddigon o alluedd meddyliol o ganlyniad i ddamwain neu salwch, ni fyddwch yn gallu creu eich Pwer Atwrnai eich hun ac bydd angen i’r Llys wneud un ar eich rhan.

Mae gan bob un ohonom yn MLS brofiad o ddelio gyda â chofrestru pwerau atwrnai, yn ogystal â holl faterion y Llys Gwarchod. Os yw aelod o’r teulu wedi colli galluedd meddyliol, heb baratoi Atwrneiaeth Barhaol, ac mae’n debygol y bydd angen gwneud cais i’r Llys Gwarchod, mae gennym yr arbenigedd i’ch cynorthwyo.

Materion i’w hystyried wrth wneud Atwrneiaeth Barhaol

Bydd gan y penderfyniadau a wnewch oblygiadau cyfreithiol sylweddol o ran sut y rheolir eich materion os y collwch y gallu i weithredu eich hunain, ac fel y ‘rhoddwr’ – yr unigolyn sy’n gwneud yr Atwrneiaeth Barhaol – byddwn yn rhoi arweiniad i chi ar bob un o’r pwyntiau a ganlyn:

* Pwy i ddewis bod yn atwrnai i chi. Os ydych chi’n gwneud Atwrneiaeth ar gyfer eiddo a materion ariannol, rhaid i unrhyw atwrnai a ddewiswch fodloni rhai gofynion
* Faint o atwrneiod i benodi
* Os oes mwy nag un atwrnai yn cael eu penodi, a ydych chi am iddynt weithredu ar y cyd ac os oes rhwystradegau i’r pwer y maen’t yn ei gael?
* A fydd angen penodi atwrneiod wrth gefn?
* Oes unrhyw gyfarwyddiadau arbennig yr ydych am eu cynnwys ar gyfer eich atwrneiod.
* Nodi wrth eraill o unrhyw ddewisiadau neu ddymuniadau sydd gennych os byddwch yn colli galluedd meddyliol.
* Os ydych chi am i’ch atwrneiod gael eu talu.
* A ydych am hysbysu unrhyw un eich bod yn paratoi Atwrneiaeth Barhaol?
* Bydd angen Darparwr Tystysgrif arnoch. Mae Darparwr Tystysgrif yn berson sy’n cadarnhau cyn belled ei fod ef / hi yn ymwybodol eich bod yn deall goblygiadau Atwrneiaeth Barhaol ac na chafoch eich cymell i’w wneud trwy dwyll neu bwysau gormodol. Rhaid i’ch Darparwr Tystysgrif fod yn berson annibynnol a diduedd. Gall fy MLS weithredu fel Darparwr Tystysgrif ar eich rhan.
* Bydd y ffurflenni wedi’u llenwi yn cynnwys eich manylion llawn a manylion eich atwrneiod a rhaid i chi, eich atwrneiod a’ch Darparwr Tystysgrif eu llofnodi. Ni fydd eich Atwrneiaeth Barhaol yn ddilys oni bai ei fod ar y ffurf ragnodedig ac wedi ei weithredu’n briodol.